कृषीमंत्री मराठवाडा, उपमुख्यमंत्री विदर्भाचे तरीही शेतकऱ्यांवर अन्याय का? कैलास पाटलांचा सवाल

0
78

कृषीमंत्री मराठवाडा, उपमुख्यमंत्री विदर्भाचे तरीही शेतकऱ्यांवर अन्याय का? कैलास पाटलांचा सवाल

माजी मुख्यमंत्री उद्धव ठाकरे यांच्याबाजूनं ठाम राहिलेले आमदार कैलास पाटील यांनी शेतकऱ्यांच्या नुकसानीच्या मुद्यावरुन प्रश्न उपस्थित केले आहेत. कृषीमंत्री मराठवाडा आणि उपमुख्यमंत्री विदर्भातील असून त्या भागातील शेतकऱ्यांवर अन्याय का होतोय, असा सवाल त्यांनी केला.

आमच्या फेसबुक पेज ला लाईक करा

अतिवृष्टीने शेतकऱ्यांचे नुकसान होऊनही मुख्यमंत्री एकनाथ शिंदे यांच्या सरकारनं जाहीर केलेली मदत अत्यंत तुटपुंजी आहे.2019 साली अशाचप्रकारे कोल्हापूर, सांगली येथे नुकसान झाले होते, तेव्हा कोरडवाहू पिकांना २० हजार ४०० रुपयाची मदत देऊन तिथं पीक कर्ज माफ केले होते. मग, मराठवाडा व विदर्भानं कोणतं पाप केले आहे, असा सवाल आमदार कैलास घाडगे पाटील यानी सरकारला केला. कृषीमंत्री मराठवाड्यातील तर उपमुख्यमंत्री विदर्भाचे असूनही शेतकऱ्यांना मदतीबाबत दुजाभाव केला जात असल्याचे घाडगे पाटील यानी म्हटले आहे.

विधिमंडळाच्या अधिवेशनामध्ये विरोधी पक्षाच्या प्रस्तावर आमदार पाटील यांनी शेतकऱ्यांच्या मदतीचा मुद्दा उपस्थित करुन सरकारचे लक्ष वेधण्याचा प्रयत्न केला. आमदार पाटील म्हणाले की,जाहीर केलेली मदत आणि २०१९ रोजी कोल्हापूर सांगली जिल्ह्यातील मदत यामध्ये मोठा फरक आहे. मराठवाडा व विदर्भावरच असा अन्याय का?अस प्रश्न त्यांनी केला. सर्व मंडळामध्ये अतिवृष्टी दिसत नसली तरी सततच्या पावसाने पिकाचे नुकसान झाले आहे. सोयाबीन पीक पूर्णपणे वाया गेले आहे. त्यामुळे सरसकट सोयाबीनचे पंचनामे करण्याची मागणी आमदार पाटील यांनी केली.

गोगलगाईमुळे उस्मानाबाद,बीड व लातूर जिल्ह्यातील शेतीचं नुकसान झाले आहे. किडीसाठी फक्त साडेसातशे रुपये दिले जातात. त्यापेक्षा कितीतरी पटीने नुकसान झाले आहे. यावर्षी सोयाबीनवर यलो मोझॅक नावाच्या विषाणूचा प्रादुर्भाव झाला आहे. या विषाणुमुळे पीक पिवळे पडते,त्याला शेंगा लागत नाहीत,शेंगा लागल्या तर त्यात दाणे भरत नाही.त्यामुळे पिकांचे नुकसान झाले आहे, असंही कैलास पाटील म्हणाले.

बोंडअळी लागल्यावर कापूस पिकासाठी शेतकऱ्यांना मदत केली होती, त्याप्रमाणे या यलो मोझॅकचा समावेश करुन शेतकऱ्यांना तशी मदत दिली पाहिजे, अशी मागणी आमदार कैलास पाटील यांनी केली आहे. जमीन खरडून गेल्यानंतर एनडीआरएफ व एसडीआरएफच्या निकषानुसार बहुभूधारकाना मदत मिळत नाही, त्यात किमान दोन हेक्टरपर्यंत च्या शेतकऱ्यांचा समावेश करुन मदत करणे आवश्यक असल्याचे मत आमदार घाडगे पाटील यांनी व्यक्त केले. याशिवाय शेतकऱ्यांप्रमाणे शेतमजूर देखील पशुधनाचा सांभाळ करतात. पण, त्यांना नैसर्गिक आपत्तीत पशुधनाची जीवितहानी झाल्यास कुठल्याही प्रकारची मदत मिळत नाही.हे निकष देखील बदलून शेतमजुरांचाही समावेश करण्याची मागणी आमदार घाडगे पाटील यांनी यावेळी केली.

Best IT Comany In Maharashtra , Solapur

LEAVE A REPLY

Please enter your comment!
Please enter your name here